Tuesday, December 30, 2008

Christmas Review... huhu


23 December 2008

huhu, pas dari keja, sia attend tu Simple gathering SMART batch 2002. Sana KKBox karamunsing Kompleks. Ramai juga la kami hadir.. sia nda sangka plak yg sia masih buli guna student kad… Nasip la sia masih lagi simpan student kad sia..dapat juga student price. Yg gembiranya, dapat makan buffet secara puas hati lagi..siok tul..tapi yg sia sedih, sia p makan tu petang bh, satukali p KKbox, rupa2nya ada makanan sana..puashati lagi makan..haha.. walaupun sia suda makan sedia, sia hentam saja..sampai menyanyi pun nda dapat suda..sesak nafas..wakakakaka

24 December 2008

Sia balik kampong. Sama 2 urang kawan sia..tapi kami bertolak dari KK petang suda la. Punya sengsara balik kalau hari perayaan. Kereta macam berkonvoi pula. Dari KK sampai la di Tambunan, kereta berbaris sepanjang jalan. Sampai rumah lebih kurang 8.30 pm.adui, nda sempat p sembayang suda. Nda pa la, bisuk baru pg. Sampai saja rumah, trus sia makan. Rindu rasanya rumahku yang tercinta. Pa lagi..trus sia meginum be..haha…siopon..sama tu bakal2 abang ipar sia..( kalau jadi la..haha). Kami meginum sampai jam 12 tengah malam. Memandangkan sia ne masih penat lagi, so sia tidur awal la. Sebabnya bisuk dia sia mau p church.

25 December 2008

Sebelum sia membuka lembaran 25 December 2008, sia mau ucapkan Merry Christmas dulu..hehe.. sia ingat misa jam 10.00 pagi seperti tahun2 lalu…tiba2 sia kena telepon, misa jam 8.00 pagi pula..adui, sia tingu jam, lebih kurang jam 7. 45 suda. Kelam kabut sia bersiap…mandi pun macam tida mandi sija..sejuk lagi tu air kalau pagi2. nda pa la, bukan ada urang tau juga. Sampai di church, punya la penuh tu gereja ( St Francis Cabrini Nambayan Tambunan). Sia nda dapat masuk di dalam..terpaksa berdiri di luar la.. ramai juga kawan-kawan dan saudara mara, sahabat handai yang sia tejumpa…ada sempat begambar juga..hehehe.pas tu, sia jumpa lagi DJ Traxx Fm c Maryanne Raymond. Actually dia tu classmate sia dulu. ..





Lepas saja dari gereja, trus sia sama geng pg tamu dlu jalan2..tapi sebelum sampai tamu, kamiurang pg makan misup dlu di pasal..tempat wajip ne…haha..makan misup yang dihidangkan sama2 sup sasau ( ada kawan sia cakap dlu, “ aik, air sirap”..wakakaka)…yang sia gembira, ada saturang, yg tiba2 menarik hati sia ne..berabis sia ambil gambar dia tapi nda dapat…cute giler..dia senyum sama sia juga la..ekekekeke..asal sia balik Tambunan, mesti sia mau p makan sana ne..mau jumpa dia..manatau ada harapan..wakakakaka… pas makan misup, trus jalan2 di tamu..hehehe…jumpa lagi kawan…adakah..banyak yg nda kenal sia?? “ Dulu ko bukan cam ne…adui sia nda sangka ko berubah cam ne” kunun . tapi nda pa la…macamana skalipun sia berubah..sia tetap sia…kunun la…pas saja dari tamu…naaa..trus kamiurang mansau…

1st house , sana kg Tondulu…dakat St Theresa..ada makan2..hehehe… pas bercerita2 kijap..salam2 kijap..trus kami dengar ada bunyi gong sana sebelah rumah..trus kami pg la…aik..bahaya pula..masih tengahari lagi, menari2 suda…nda buli ne..trus kami beralih rumah..kami p sana kg Lintuhun..ingatkan rumah sepa…rumah kawan sia pla…cis..bikin malu sija..trus dia cakap, “ ow..ko gansau suda sikarang kan” haha…actually sia mau tunggu c Cede ( Cede Prudente) datang bah..rumah mentua dia bh sana tu. Tapi nda sempat ne..oleh krana masih banyak jemputan, so kami terpaksa p rumah lain lagi…hehe, seterusnya rumah yang diserang adalah rumah atas bukit lagi..haha..rumah sia punya X-guru kelas. Haha…sampai sana bercerita2..ntah apa crita kami tu..sia lupa suda. Mabuk suda gia. Paling gembira, sia tejumpa c Kuak Papier Machie ( harap2 butul la ijaan sia) ..Aramai tii plak dia tu..kuat meginum…

Pas saja dari rumah cikgu sia..trus p rumah c Allen… sia pun nda ingat macamana sia tepigi sana..mabuk brabis suda. Tapi sana, sia nda brapa minum la..sbb macam penuh brabis suda perut sia. Kalau sia kasi banyak minum, kompom la muntah ne…so sia banyakkan nyanyi karoke sija..haha..trus sia tidur-tidur ayam kasi hilang mabuk… sia sempat juga tejumpa c Father Claudius and c Father Bona.. ntah pa sia p cakap sama dia tu… nda sedar suda.. biasalah mabuk kan..hehe.. bila sia bangun, masih ramai2 lagi urang bh, tapi nampaknya sia mau balik suda, so sia sama kawan sia, balik sija la… sampai rumah lebihkurang jam 2.30 pagi suda..hehehe

26hb December 2008

Aduh, kogutan sudah pasti, tapi sia berkeras juga bangun seawall jam 9.30 pagi..haha.. bangun saja, sia mandi, berus gigi, makan, tingu tv kijap…trus sia turun sawah..haha..nanti kepunan p mengomot ( menuai padi) . haha..siuk juga la mengomot..lama suda nda turun mengomot bah… biar panas2..tapi urang bilang enjoy… adui na..pas mengomot, time lunch tu..punya sedap sayurn lauk pauk..hehe..pucuk ubi, bosou, tuhau, lombiding, ikan air tawar..bakas..dan sebagainya..susah untuk dikatakan..sia pun nda tau, d mana mau cari ne makanan di KK ( air liur suda ne). Petang2 saja, ada lagi birthday anak buah sia..adui na…makan lagi..and mabuk lagi..


27hb December 2008

Pagi-pagi lagi siurang bertolak pg sana St Francis Xavier Cathedral Keningau. Ada attend wedding sia punya kajen bah.. adui na, 11 pasangan berkawin bah. Punya la lama tu misa dia..sampai sia tertidur2 suda,…suda la sia kogutan… lebihkurang jam 11.30, siap la tu misa..so kami trus berangkat pg Kg kikirann Pekan baru Apin2. Sampai saja sana, amkan trus!! Lapar begia… Lepas saja makan, adui, sia urang pertama dalam rombongan Tambunan yang p rasmi tu siopon..cis..cis..trus sia mabuk kijap ne… ne perkhawinan betul2 unik ow, banyak adapt resam..mula2 adat resam Dusun Tambunan, trus adapt resam Rungus..sia pun nda tau camana mau explain..but sia paling suka adapt resam Tambunan la.. ada minum2 di bamboo… Sia nda berapa mabuk juga la di sana, tapi sempat juga p nyanyi 2 buah lagu…Id Tanga Tuong and Bunyi Guitar..haha..saja2 mau kasi ramai suasana..jam 9.00 malam , balik la kami tambunan..Sbb kalau lama2 di sana..kompom la sia mabuk berabis..cis.. nanti muntah2..susah plak..


2 comments:

Kengkaru Kong said...

dei Boss, sa rindu mai tu makan mee sup sana pasar tambunan... langadon tomod...

sama ja tempat kita p semayang ni bei.. dekat gia tu dari rumah sa.. ekeke

bosing said...

hehehe...boss..lain kali ko pulang, kita p makan mi sup kio..hehe